Tobias Heltne Alme til Lysekloster

Søndag fortalte Lysekloster om signering av Audun Øvrelid og Ronny Rojas har gått frå Fyllingsdalen til Lysekloster. Dagen etter slo Tobias Heltne Alme følgje.

Alme er 22 år, men har allereie 115 kampar for A-laget til Fyllingsdalen bak seg.

– Eg har den siste tida tenkt at eg ville prøva noko nytt, og då eg fekk ein telefon frå Ruben Hetlevik, som fortalte om planane til Lysekloster, så visste eg at dette var noko eg ville vera med på, seier Tobias ifølgje Lysekloster si Facebook-side.

Han har vakse opp i Fyllingsdalen og spelt på Varden frå han var 7 år.

I 2013 var han med på å vinna junior-NM i fotball, i 2015 var han med på å slå Haugesund ut av cupen.

Alme spelte 27 kampar for Fyllingsdalen i fjor, og skåra 9 mål.