Sport | 02. juli 2017

Tobias skåra 13 mål i éin kamp!

Os G14 vann finalen i A-sluttspelet i Lerum Cup. To andre lag frå Os fekk 3. plass.

Tobias skåra 13 mål i éin kamp!
Tobias Bødtker (t.v.), her saman med lagkamerat Markus Lund Haddal, skåra 20 mål i Sogndal i helga. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøysøndag 02. juli 2017 21:27

Bildeserie:

Os G14 tok 1. plass i 7-arfotball i Sogndal.
Os G14 tok 1. plass i 7-arfotball i Sogndal.
Simen Mjånes blei matchvinnar i finalen. (Foto: KVB)
Simen Mjånes blei matchvinnar i finalen. (Foto: KVB)
Det andre G14-laget tok 3. plass i 9-arfotball.
Det andre G14-laget tok 3. plass i 9-arfotball.
Også Os J13 vann bronsefinalen i A-sluttspelet.
Også Os J13 vann bronsefinalen i A-sluttspelet.
Os J12 hadde fire sigrar og éin uavgjort.
Os J12 hadde fire sigrar og éin uavgjort.
Os G12 Løve.
Os G12 Løve.
Os G12 Løve. (Foto: KVB)
Os G12 Løve. (Foto: KVB)
Os G12 Gepard.
Os G12 Gepard.
Os G12 Tiger. (Foto: KVB)
Os G12 Tiger. (Foto: KVB)
Sosial suksess: Deltakarane fekk strålande vêr. (Foto: KVB)
Sosial suksess: Deltakarane fekk strålande vêr. (Foto: KVB)
1 av 10
Os G14 tok 1. plass i 7-arfotball i Sogndal.
Simen Mjånes blei matchvinnar i finalen. (Foto: KVB)
Det andre G14-laget tok 3. plass i 9-arfotball.
Også Os J13 vann bronsefinalen i A-sluttspelet.
Os J12 hadde fire sigrar og éin uavgjort.
Os G12 Løve.
Os G12 Løve. (Foto: KVB)
Os G12 Gepard.
Os G12 Tiger. (Foto: KVB)
Sosial suksess: Deltakarane fekk strålande vêr. (Foto: KVB)

Os G14 vann i dag finalen i Lerum Cup i Sogndal 3-2 over Sykkylven.

Tobias Bødker, som skåra to mål i ein spennande semifinale, skåra 20 mål i turneringa, 13 av dei i éin og same kamp.

– Tobias er teknisk god, flink å stå med ball og har eit fantastisk tilslag med venstrefot, skryter trenar Dagfinn Norvik.

Det var ein av dei innleiande rundane at Tobias, som innbytar (!), kom på banen og gav målforskjellen eit kraftig løft.

Kampen enda 17-1, dei andre to innleiande rundane var òg målrike, med 10-1 og 8-2 til Os (35 mål på 3 kampar).

Gull og bronse med same årgang

2003-årgangen, som i vårserien spelte i 1. og 3. divisjon 11-arfotball, stilte med 7-ar og 9-arlag i Sogndal. Mens 7-arlaget vann A-sluttspelet tok 9-arlaget ein flott 3. plass i den store 9-arklassen.

– Vi stilte med to like gode lag og gutane på begge lag var i storslag! Vi har litt få spelarar, og hadde med oss nevøen min og to kameratar frå min eigen moderklubb i Ålesund, Ellingøy il, det var til hjelp!

– Eitt år yngre Simen Mjånes, som kom til Os frå Eikelandsfjorden i vinter, blei matchvinnar i finalen, fortel Norvik.

Både semifinalen og finalen leia Os 2-0. Semifinalen endra seg til 2-1 før Bødtker kom inn og skåra to, i finalen sto det 2-2 (men 10-2 i cornarar) før Mjånes avgjorde.

Os G14 skal òg delta i Norway Cup i år, men då med eitt lag.

Bronse til J13

Kjetil Lyssand Lindbom, som både har tatt 2. plass og to 3. plassar i Sogndal med 98-årgangen var denne helga tilbake med jenter fødd i 2004.

I sitt første år med sluttspel var Os J13 nær på å gå heilt til topps.

– Vi hadde ein god, men tynn stall med oss, i bronsefinalen hadde vi berre 10 friske spelarar, fortel Kjetil.

I semifinalen møtte dei Ørsta, som dei slo i innleiande rundar. Kampen enda 3-4 etter nokre mål som Lindbom synest motstandarane fekk for enkelt.

– Vi var skuffa etter denne kampen, men det var kjekt å avslutta den fine cupen med siger i bronsefinalen. Her hadde vi god kontroll, leia 1-0 til pause og 3-0 før motstandarane fekk seg eit mål.

Fagernes, som vann finalen, blei slått av Os-jentene i fjor, men skal ha gjort ein veldig god finale.

Gutar 13 hamna i B-sluttspelet. Som puljetrear fekk dei walkover i 1/16-finalen. 1/8-finalen vann dei 4-1, men i kvartfinalen var det slutt, her blei det 1-4.

Kan stilla endå sterkare neste år

6 av dei 10 laga frå Os besto av 11- og 12-åringar.

Gutar 11 stilte med to lag og G12 med tre lag.

Det eine smågutelaget hadde to uavgjorte som beste resultat, alle dei andre fekk smaka på både siger og tap.

Jenter 12 gjekk gjennom fem kampar utan tap (fire sigrar og ein uavgjort).

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.