Tøff konkurranse under årets klubbmeisterskap

Årets beste golfspelarar skulle kårast i Bjørnefjorden golfklubb.

Nils Gunnar Holemark og Solveig Helgesen vann årets klubbmeisterskap i golf. Foto: Bjarte Wiberg.
Ørjan Håland
Ørjan Hålandonsdag 26. aug. 2020 08:51

Klubbmeisterskapet hos Bjørnefjorden Golfklubb gjekk av stabelen i helga. Juniormeister, damemeister og herremeister skulle kårast i løpet av laurdagen og søndagen.

Det var fem damer som stilte i dameklassen og tre gutar som stilte i juniorklassen. Juniorane stilte òg i herreklassen, som då til saman utgjorde 32 spelarar.

Dagleg leiar i Bjørnefjorden Golfklubb, Bjarte Wiberg, kunne melda om ein tett og god konkurranse, spesielt i dame- og herreklassane.

– På juniorsida vart det siger til Nils Gunnar Holemark, som òg vann herreklassen, som i fjor. Hos damene vart det siger til Solveig Helgesen, fortel Wiberg.

– På damesida vart det ikkje større avstand enn berre to slag som skilte første- og andreplassen. Hos herrane vart det så jamt at dei hadde lik poengsum i det dei entra dei siste ni hola på søndagen. Men Holemark spelte heilt imponerande og vann fortent.

Andrea Rød Tombre, Solveig Helgesen og Tora Wiberg vart dei tre beste på damesiden i årets klubbmeisterskap i golf. Foto: Bjarte Wiberg.

Dårleg vêr

Med etterkvart krevjande forhold, med mykje nedbør, vart mengda hol justert ned.

– Planen var å gjennomføra 36 hol på laurdagen og 18 hol på søndagen. Det vart veldig krevjande med så mykje regn, så vi fekk gjennomført 18 hol på laurdagen og reduserte til 27 hol på søndagen.

– Det var eit tidspunkt på søndagen der vi måtte ut i to timar for å skuffa vekk vatn frå to av greenane. Det var dette som gjorde at vi måtte avlysa den tredje runden på laurdagen, det vart for ulike konkurransevilkår.

Dagleg leiar i Bjørnefjorden golfklubb, Bjarte Wiberg, kunne melda om ei god konkurransehelg. Foto: KVB.

Lange dagar

Dagane har starta kring klokka 9, og strekt seg ut til å vara heilt til 18-19-tida på kvelden. Det har med andre ord vore lange dagar.

– Når det er så mange som speler, og alle skal spela ut holene, så tek ting tid.

– Dette er jo ein konsentrasjonsidrett, og då vert du sett på prøve når du skal spela så mange hol på berre to dagar. Når du kjem til den siste runden på søndagen, så har dei fleste lyst å berre bli ferdig og koma seg heim. Når det i tillegg regnar mykje, så vart det ikkje noko særleg enklare heller, humrar Wiberg, som ser seg nøgd med arrangementet.

Matthias Pedersen, Nils Gunnar Holemark og Tobias Arntzen trona øverst blandt herrene i årets klubbmeisterskap i golf. Foto: Bjarte Wiberg.

Topp tre

Juniorklassen:

  1. Nils Gunnar Holemark
  2. Tobias Arntzen
  3. Mathias Pedersen

Dameklassen:

  1. Solveig Helgesen
  2. Tora Wiberg
  3. Andrea Tondre Rød

Herreklassen:

  1. Nils Gunnar Holemark
  2. Jan Olav Arntzen
  3. Sverre Marcelius
Matthias Pedersen, Nils Gunnar Holemark og Tobias Arntzen trona øverst blandt juniorane i årets klubbmeisterskap i golf. Foto: Bjarte Wiberg.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.