Tøffe gutar på tettpakka handballdag

VIDEO: 150 gutar fylte begge handballhallane i kommunen – gutehandballdagen blei ein braksuksess krydra med trenarar frå FyllingenBergen.

Kjetil Vasby Bruarøy
Kjetil Vasby Bruarøyfredag 06. feb. 2015 17:12

Bildeserie:

Tre av desse fire nykomarane, Sebastian, Nikolai, Mads og Lars, ønskjer no å byrja med handball. (Foto: Kjetil Vasby Bruarøy)
Denne gjengen hadde Fredrik Mossestad som trenar i dag. (Foto: Kjetil Vasby Bruarøy)
– Du blir tøffare når du speler begge ballsportar, seier Gjerstad. Denne gjengen er allereie tøff nok. (Foto: Kjetil Vasby Bruarøy)
Gjerstad drilla gutane i finting. (Foto: Kjetil Vasby Bruarøy)
Dei fekk trening på øvste nivå. (Foto: Kjetil Vasby Bruarøy)
Ungdom med gode haldningar. Denne gjengen har skulefri i dag, men stilte opp på dugnad. (Foto: Kjetil Vasby Bruarøy)
Også i Oshallen gjekk det i skyting. (Foto: Kjetil Vasby Bruarøy)
Tre av desse fire nykomarane, Sebastian, Nikolai, Mads og Lars, ønskjer no å byrja med handball. (Foto: Kjetil Vasby Bruarøy)
Denne gjengen hadde Fredrik Mossestad som trenar i dag. (Foto: Kjetil Vasby Bruarøy)
1 av 7
Denne gjengen hadde Fredrik Mossestad som trenar i dag. (Foto: Kjetil Vasby Bruarøy)
– Du blir tøffare når du speler begge ballsportar, seier Gjerstad. Denne gjengen er allereie tøff nok. (Foto: Kjetil Vasby Bruarøy)
Gjerstad drilla gutane i finting. (Foto: Kjetil Vasby Bruarøy)
Dei fekk trening på øvste nivå. (Foto: Kjetil Vasby Bruarøy)
Ungdom med gode haldningar. Denne gjengen har skulefri i dag, men stilte opp på dugnad. (Foto: Kjetil Vasby Bruarøy)
Også i Oshallen gjekk det i skyting. (Foto: Kjetil Vasby Bruarøy)
Tre av desse fire nykomarane, Sebastian, Nikolai, Mads og Lars, ønskjer no å byrja med handball. (Foto: Kjetil Vasby Bruarøy)

– Då eg var ung blei handball sett på som ein jenteidrett. Men eg dreiv med både fotball og handball heilt fram til eg gjekk på vidaregåande skule, og handballen gjorde meg til ein tøffare og sterkare fotballspelar, seier Fredrik Mossestad.

Han valte til slutt handball å satsa vidare på og speler no i toppklubben FyllingenBergen.

Med seg til Os hadde han lagkamerat Henrik Gjerstad, og dei to var i dag blant instruktørane på gutehandballdagen.

SJÅ VIDEO NEDST I ARTIKKELEN

Rekruttering til handballen, spesielt blant gutar, er framleis ei utfordring. Det kan få ei endring, nyvinninga «gutehandballdagen» fekk enorm oppslutnad.

100 nye gutar

– Eg får frysingar nedover ryggen av dette synet, så mange unge gutar i aktivitet med handball trur eg ikkje det har vore i Oshallen før, seier leiar for handballgruppa i Os Turn, Andris Hamre.

Tilbodet er retta til ungar med og utan handballerfaring, i barneskulealder, og arrangørane fekk heile 154 påmeldte denne fredagen med planleggingsdag i skulane i Os.

Rundt 100 av desse speler ikkje handball frå før.

Fullt opp i to hallar

Med over 150 påmeldte blei begge hallane i Os fylt opp, dei yngste i Oshallen, dei eldste i Nore Neset Aktivitetshus.

– Eg kjem til å øva på fintar med gutane, seier Henrik Gjerstad.

Også han spelte både fotball og handball til han valte handball etter at han hadde passert ungdomsskulealder.

– Du blir meir allsidig, og eg trur du forebygger skader på ein annan måte, når du trener fleire idrettar. Sjølv starta eg i ein klubb som hadde fleiridrett for dei yngste, så vi var ein god gjeng som spelte begge desse ballidrettane i mange år.

Startar med begge parallelt

Tilsvarande tilbod har Nore Neset IL for første gong i år.

– Først vil eg seia at det kjekt med så godt samarbeid oss klubbane i mellom, for det andre synest eg jo det er fantastisk med så mange deltakarar, seier dagleg leiar Jarle Heltne.

– Vi har også sett veldig god deltaking på den kombinerte løysnga med både fotball og handball for dei yngste. Når hausten kjem og dei skal i 2. klasse, blir kvar idrett for seg. Då blir det spennande å sjå kor mange som held fram med begge delar, spesielt når det gjeld gutar på handball og jenter på fotball.

Heltne fortel at det har vore fleire store og gode gutekull, men at det i så fall har vore tilfeldig at det akkurat det året var ein far eller ei mor med handballbakgrunn og mykje entusiasme, som har drege det i gang. No kjører idrettslaget alle innom begge ballsportane i håp om at ungar ved å testa dette skal få betre utgangspunkt til sjølv å velja.

Gode forbilde

Det var ikkje berre spelarane frå FyllingenBergen som tok i eit ekstra tak i dag, unge handballspelarar frå dei to klubbane stilte opp på dugnad.

Dei kunne vore heime, sove lenge og brukt dagen på facebook eller playstation, men møtte i staden i hallane for å hjelpa til som instruktørar for dei yngste.

– Det er kjekt å støtta klubben, seier Ola Brunvatne, før han måtte springa til og hjelpa kameraten Ole Martin L. Kolskogen, som blei omsverma av ungar i den eine drikkepausen.

– Kjekt å prøva

Fire unge gutar frå barneskulane Os og Lunde, Sebastian, Nikolai, Mads og Lars, var i dag alle på handballbanen for første gong.

– Det er veldig gøy, kjekt å skåra mål, å kasta ball og å læra noko nytt, seier dei fire gutane i 7-8-årsalderen.

Alle fire speler fotball frå før, og tre av dei seier dei no vil trena handball i tillegg.

– Vi er 11 gutar i 2005-årgangen i Os. Det er ein kjempegjeng, men det hadde jo vore supert med ltt påfyll. Det får vi kanskje etter denne dagen, seier Sølvi Mjånes, som er med og trener laget.

VIDEO: Sjå aktiviteten i Nore Neset Aktivitetshus og Oshallen i dag. (Foto: Kjetil Vasby Bruarøy)

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.