Lokal | 15. juli 2017

Tok beslag i to førarkort

Brannvesenet rykte ut då ein fugl tok fyr - politiet stoppa ein som kom av Tysnesferja med promille.

Tok beslag i to førarkort
Mannen kom frå Våge til Halhjem då han blei stoppa av politiet. (Foto: KVB)
Kjetil Vasby Bruarøy
Kjetil Vasby Bruarøylørdag 15. juli 2017 08:18

Fredag i 13-tida blei ein eldre bilførar stoppa på E39 ved Svegatjørn.

– Det kom melding om vinglete køyring i Fana retning Os. Vi har ikkje mistanke om at vedkomande hadde promille, men at han ikkje oppfyller alle krava om å ha førarkort, fortel vakthavande ved Os lensmannskontor til Midtsiden.

Politiet tok midlertidig beslag av førarkortet og fekk køyrd bilen til adressa i Os der bilførar var på veg. Han må no via helsevesenet for eventuelt å få førarkortet tilbake.

Full bilførar på ferja

Laurdag morgon klokka 07.01 blei ein bilførar stoppa og kontrollert i det han køyrde av ferja på Halhjem.

– Promilletest på staden gav utslag og han blei tatt med for blodprøvetaking. Vi mistenker promillekøyring og har tatt beslag i førarkortet.

Førar er ein mann i 20-åra som ikkje er frå Os. Han kom med ferje frå Våge, der Tysnesfest pågår, då han blei stoppa.

Fugl tok fyr

Fredag kveld klokka 21.15 kom det melding om brann i ein trafokiosk i Drangsvegen.

Brannvesenet og BKK rykte ut.

Det viste seg at ein fugl som hadde prøvd å setja seg på eller ved trafokiosken hadde tatt fyr. Då denne hadde brent opp var det ikkje meir å sløkka.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.