Tok ei forbikøyring - får seg ein samtale med mor
Politiet fekk klagar på køyringa til to ulike bilførarar i helga. Ein av dei køyrde i lånt bil.
Laurdag kveld klokka 22.20 tok politiet kontakt med ein bileigar etter klage på stygg køyring.
– Bilførar skal både ha køyrd fort og brote vikeplikta i samband med forbikøyring, fortel politioverbetjent Anne Lyssand.
Bileigar er ei mor som hadde lånt vekk bilen til sonen, ein nybakt sjåfør.
– Ungdomen blei gjort kjent med at politiet var informert om køyringa hans. Mor ville følgja opp med ein forebyggande samtale.
Måndag morgon kom ny klage på stygg forbikøyring, denne av ein bil på Stord på veg på ferja til Halhjem. Der blei han stoppa.
Vedkomande er vaksen, ein mann i 60-åra. Han blåste til null promille, men politiet har oppretta sak på bakgrunn av opplysingane som har kome inn.
Spennande? Vil du ha ukas høgdepunkt i innboksen?
Les meir om
Tilgang til alt innhald for kun 5 kr i 5 veker
Vi set stor pris på at du vel å abonnera på Midtsiden, det hjelper oss på veg til å kunna dekka endå meir av alt som skjer i Os!
- Tilgang til alt innhald
- Utan bindingstid
- Moglegheit for fleire brukarar
Etter kampanjen blir abonnementet fornya kvar månad. Du kan seia opp kor tid du vil, og blir då ikkje belasta for neste periode.