Tok eitt poeng borte mot serieleiar

Etter to tap på rad fekk Lysekloster vist seg frå ei sterk side borte mot serieleiar Frigg i dag.

Heimelaget tok leiinga i 25.minutt, men fekk to gule kort til same mann rett før pause.

13 minutt ut i 2. omgang utlikna gjestane, og stillinga sto seg kampen ut.

Frigg - Lysekloster 1-1 (1-0)
Målskårar, Lysekloster: Tim Nilsen

– Vi la ein plan om å halda lågt press og satsa på overgangar, og gutane gjennomførte solid! seier trenar Ruben Hetlevik.

– Det er første gong i år vi har klart å følgja kamp-planen i 90 minutt, og det fekk vi betalt for. Frigg er eit godt lag, og vi måtte kjempa som løver i periodar, men vi klarte også å skapa ein del sjansar.

Ruben synest 1-1 var eit greit resultat.

– Vi tok eit viktig poeng og vi fekk ei viktig, god kjensle inn mot dei siste tre rundane.

Lysekloster held seg med dagens poeng på 10. plass på tabellen, eitt poeng bak Fjøra på 8.plass og 1 poeng framfor Årdal på 12. plass.

Frigg leiar framleis serien, men har no berre eitt poeng bak til Fana, som vann 5-1 borte over Ready.

Os slo Årdal 1-0 heime i ein kamp vi kjem tilbake med meir om.

Lysekloster speler neste kamp heime mot Fyllingsdalen laurdag om ei veke (kampstart kl 15).

Tabell og terminliste på fotball.no.