Fotball | 14. juli 2022

Tok hemn etter «truserøsk»

Kolskogen sikra seg eit gult kort etter denne episoden.

Bryan Fiabema tok med seg shortsen til Kolskogen ned på bakkeplan. Det fekk han svi for. (Skjermbilde frå Discovery+)
Kjetil Vasby Bruarøy
Kjetil Vasby Bruarøytorsdag 14. juli 2022 12:57

Jerv tok leiinga borte mot Rosenborg søndag, men hamna under 3-1 i ein kamp som enda 3-2.

Ein episoden mellom Jerv sin midtstoppar, Ole Martin Lekven Kolskogen frå Os, og Rosenborg sin Bryan Fiabema har fått merksemd i etterkant.

Fiabema heldt i shortsen til Kolskogen, og drog den med seg heilt til anklane. Men så fekk han svi.

Olis var kontant då han takla Fiabema på veg mot Jerv-målet, og i motsetnad til førre duell, fekk dommarane denne med seg.

Kolskogen fekk gult kort.

Du kan sjå høgdepunkt frå kampen på Discovery +.

– Det er 18-årsgrense, meiner TV2 i «Fotballrunden», sjølv om osingen heldt undikken på.

Fotballrunden viser episoden frå 69. minutt, og meiner taklinga kvalifiserer for «oransje» kort, men med tanke på kva som skjedde i forvegen greit at det blei gult.

Ny vane

Oppdatert: Midtsiden har no fått ein prat med Kolskogen.

– Han fortente ei takling etter den der, men det var ikkje Fiabema eg var sint på, det var dommaren, seier Olis.

– Han sto ein halv meter ifrå oss då han tok shortsen min, utan å gi meg frispark. Det er ikkje greit.

Sjølv har han også lært noko av episoden.

– Tidlegare likte eg ikkje å knyta shortsen på trening eller kamp. Det skal eg byrja med no. Heldigvis sat boxershortsen som limt fast, seier Ole Martin og ler.

Mykje speletid

Kolskogen har spelt 13 av Jerv sine 13 kampar i Eliteserien til no. Den nyopprykka klubben har blant anna slått Strømsgodset og spelt uavgjort mot Molde.

– Eg trivst framleis godt her borte. Når du er vekke frå dei nære og kjære, er det viktig at du får spelt, og at du trivst saman med lagkameratane dine, og det gjer eg.

– Vi er fleire tilreisande spelarar i klubben, som er i lik situasjon, og vi møtast ofte for å spela kort, golf, gå på kafé eller ta ein badetur. Eg høyrer det er kald sommar heime, her har vi hatt det bra til no.

Jerv ligg på 15. plass av 16 lag, men er berre eitt poeng bak Sandefjord på 11. plass.

Det gule kortet søndag var Kolskogen sitt andre denne sesongen.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.