Tok NRK i lufta

Når NRK1 sender Norge Rundt fredag kveld, er det med Vaksinen flyplass på Ulven som base.

– Det er ei stund sidan sist, men dette er tredje gong vi har besøk av Norge Rundt, og vi synest naturlegvis at det er veldig kjekt, seier Svein Døsen frå Os Aeroklubb.

Innspelinga var tysdag.

– Det er elles veldig livlege dagar i klubben, vi er for tida i full sving med nybyrjarkurs i seglflyging og har fleire kjekker ungdomar i sving her oppe.

Sendinga startar klokka 20.05, og blant det du får sjå er når NRK-reportaren får seg ein tur i seglfly med osingen Kristoffer Samuelsen, som i fjor blei Noregs yngste flyinstruktør.