Tre av dei 27 elleveåringane som overnatta i Os kyrkje i helga.

Tok seg ei natt i kyrkja

Det blei både refleksløp, taco - og nokre timar søvn, då Os kyrkje inviterte 11-åringane til arrangementet «Lys våken».

image
image
image
image
image
Av: Kjetil Vasby Bruarøy

Os kyrkjelyd har invitert 11-åringane i bygda til «Lys våken» i 7-8 år, først berre i Nore Neset kyrkje, dei siste tre åra i begge kyrkjene.

– Oppmøtet varierer, det er gjerne sånn at anten kjem ein god gjeng frå ein veneflokk elles kjem ingen. I år hadde vi 27 i Os kyrkje, og det er allereie over 20 påmeldte til overnattinga i Nore Neset kyrkje om knappe to veker, seier Hege Varhaug-Lekven.

Os kyrkjelyd, som nyleg fekk pris for trusopplæringa si, har ikkje funne på «Lys våken» på eigahand.

– Dette er eit arrangement som veldig mange kyrkjelydar i Noreg gjennomfører, dei fleste i samband med første søndag i advendt.

Tett program frå laurdag til søndag

Målet med arrangementet er å visa at kyrkja rommar alle, heile døgnet, heile livet.

Dei unge gjestane kom laurdag ettermiddag og fekk både måltd og aktivitetar utover kvelden.

– Vi bruker i grunnen ikkje så lang tid på å øva til gudstenesta neste dag, det gjekk berre ein time. Men vi gjorde mykje anna, frå refleksløp og fakkeltog til å ta imot ein hemmeleg gjest om natta.

Ikkje berre vaken

Det er høgt under taket i den nesten 150 år gamle kyrkja, og natt til søndag var det både regn og ein del vind.

– Ungane oppførte seg fint og alle fann roen då vietterkvart runda av kvelden. Dei siste sovna mellom klokka 1.30 og 2 på natta.

Søndag morgon vakna dei til orgelmusikk, først varsamt, så i eit tempo som gjorde at dei song seg vakne frå soveposane.

Laurdag kveld hadde dei delt seg i grupper ut frå kva dei ville bidra med under gudstenesta neste dag, som blant anna inneheldt dåp for to born, og då kyrkjefølgjet kom i 11-tida delte 11-åringane ut program, song, las tekstar og hadde eit lite skodespel.

– Det fungerte veldig bra! Ungane var høflege og greie og vi gler oss allereie til å vera lys vaken på Nore Neset, seier Varhaug-Lekven.

Fleire saker