Tok seks medaljar i vestlandsmeisterskapen

Bildeserie:

1 av 2

Os Kareteklubb stilte utan noregsmeisterane sine i vestlandsmeisterskapen på Sveio i helga som var.

Likevel til klubben med seg seks medaljar og to titlar heim til Os.

Møtte klubbvenninna i finalen

Sondre Kvamsdal er førsteårs junior, men var suveren også i år.

– Han vann finalen 8-0 før full tid mot ein dyktig utøvar frå Haugesund fortel coach Cato Bruarøy.

Det er tredje år på rad at Sondre vinn vestlandsmeisterskapen.

Carmen Bruarøy (13) var nær gull i kata, der 2 av 5 dommarar hadde ho som vinnar, men måtte nøya seg med sølv. I kamp gjekk det endå betre.

- I finalen møtte Carmen klubbvenninna Aurora Berge Fagerthun (12), som var suveren i både kvartfinalen og semifinalen. Aurora tok bronse i NM-debuten i vår og har hatt stor framgang dei seinaste månadene.

Carmen vann, og blei vestlandsmeister for første gong. Det lover godt to veker før stemne i Tjekkia.

Bronse og sterk 4. plass

Supertalentent Mariell Askvik Midtbø (12) vart nummer fem i same klasse som Carmen og Aurora.

– Ho vann første kamp klart, kjempa likt med Carmen i semifinalen og hadde overtaket i bronsefinalen, men fekk for hard kontakt på ein teknikk som med kontroll ville gitt tre poeng og siger.

Venninna Helena Bakke (12) gjorde også ein god figur og fighta godt, men det vart ikkje medalje denne gongen, fortel trenaren.

- Hedvig Østevold (14) tok ein imponerande bronsemedalje i ein av dei aller tøffaste klassane.

To av konkurrentane er norgesmeistrar, og fleire andre har finaleplassar i internasjonale meisterskap. Hedvig avslutta med å vinna bronsefinalen 8-1.

3. og 4. plass i kata

Henrik Heiberg-Andersen (15) hadde to gode kampar og viste at han kan kjempa likt med dei beste.

I kata (system av teknikkar utan motstand) var det fleire enn Carmen som tok medalje. Natalie Lernes Andreassen (13) var nær medalje men måtte sjå seg slått 2-3 i bronsefinalen.

Melina Solvang (14) vann bronsemedalje i kata mens Tuva Baggen (14) fekk fjerdeplass.

– Melina og Tuva er saman med Carmen dei mest erfarne jentene, og begge leverte gode kata og gode kampar i ein svært tøff klasse der det er lite som skil dei beste.

I løpet av stemnet fekk Samir Palislamovic frå Os Karateklubb dommarlisens (judge B) etter god dømming gjennom meisterskapen.