Tok to som røykte hasj

I september blei tre gutar tatt for omfattande hærverk ved Nøtteliten barnehage.

Naboar fortalte om helg etter helg med feststøy ved hytta til barnehagen, og politiet har i ettertid patruljert området rundt skulen og barnehagen med høgare frekvens.

Klokka 02.40 natt til laurdag møtte dei to gutar som er mistenkt for å røyka hasj.

– Dei blei tatt med til avhøyr og er meldt for bruk av narkotika. Det blei også funne mindre mengder hasj på gutane, som er i slutten av tenåra, fortel politibetjent Janne Samuelsen.

Rusa på Meny

Fredag formiddag, i 11-tida, blei politiet kontakta av dei tilsette ved Meny i Industrivegen.

– Dei hadde ei rusa kvinne i butikken som vi valte å ta med oss.

Fann tablettar på nattklubb

Litt over klokka 4 natt til laurdag fekk politiet innlevert nokre tablettar.

Tablettane var funnen på nattklubben Catten, men viste seg å vera allergitablettar, altså ikkje noko ulovleg.