Tok tittelen tilbake
Oldboys-laget til Os tapte KM-finalen i fjor, for første gong på mange år. I kveld blei tittelen tatt tilbake i ein sesong der veteranane har skåra 121 mål på 16 kampar (!).
– No er tittelen tilbake der den høyrer heime, på Kuventræ, seier keeper Vidar Hjelle.
– Vi har vore kretssmeistrar kvart år sidan Tommy Hjelle gjekk med bleier og synes eitt år var lenge nok å låna tittelen vekk, legg han til.
Kveldens serieavslutning gjekk mot nettopp mot tittelforsvarar Bjarg, som Os tapte ein jamn finale for i fjor. I år var det éi avdeling og derfor avgjerande å vinna serien.
Heimekampen mot Bjarg enda 6-5 til Os, kveldens bortekamp enda med betre målforskjell.
Bjarg - Os 1-5 (1-2)
Målskårarar, Os: Jørn Vegard Berge 4 og Robert Bjørnevik
– Jørn Vegard skåra dei fire første måla, Robert sette siste spiker i kista. Bjarg utlikna til 1-1, men fann ikkje ut av spelestilen vår og måtte sjå at tittelen kom heim igjen.
– No ser vi fram til feiring og Smalahove Cup på Voss neste helg, seier kretsmeister-keeperen.
Desse spelte kveldens kamp: Vidar Hjelle, Jan Frode Skeie, Arve Solskjær, Tommy Hjelle, Frode Steffensen, Frode Øye, Stig Morten Bruarøy, Tore Engevik, Robert Bjørnevik, Eivind Carlsen og Jørn Vegard Berge.
Os har 1 uavgjort (2-2 mot Bergen Nord) og siger i resten av dei 16 kampane i årets serie. Målforskjell er 121-38 og største siger er 18-0 over Loddefjord.
SJÅ TABELL
(Manglar i skrivande stund fleire resultat i kampar Os har vunne 8-2, 3-0, 10-2 og i dag, 5-1)