Sport | 26. feb. 2012

Tok tre medaljar i Sverige

Tore Matre og Asle Kvamsdal klarte seg i bra i proffklassen i Golden Arm.

Tok tre medaljar i Sverige
Tore Matre og Asle Kvamsdal (innfelt), her i NM i Oseana i haust. (Foto: Andris Hamre/privat)
Kjetil Vasby Bruarøy
Kjetil Vasby Bruarøysundag 26. feb. 2012 21:33

Os Håndbakklubb stilte med to deltakarar i årets Golden Arm i Eskilstuna i Sverige.

Det internasjonale stemnet har både amatør- og proffklassar, og i proffklassen stilte Tore Matre (-86 kg) og Asle Kvamsdal (-95 kg).

– Førstepremien var på 3000 kroner. Det var med andre ord ikkje pengane vi kom for, ler Matre.

Håpte på kvalifisering

Han deltok i Golden Arm for første gong. Hovudårsaka var at han ville kvalifisera seg til årets EM (i Polen) og VM (i Brasil).

– NM på heimebane i Oseana blei bra for klubben, men ikkje for meg. Det tok på å vera arrangør og dommar, i tilllegg stilte eg i høgare vektklasse for å få arrangementet til å gå i hop.

– Så eg trengte turen til Sverige og fekk Asle, som også var med i fjor, til å bli med.

3 x bronse

Matre har frå jul til helgas stemne i Sverige gått ned frå 95 til 86 kilo.

– Det har blitt allsidig trening og mykje trening, og det fungerte fint.

Asle fekk bronse med både høgre og venstre arm i 95-kilosklassen, Tore tok 3. plass med venstre arm i -86 kg.

– Eg reknar med at dette held til kvalifisering til EM og VM, men eg har ikkje høyrt noko frå landslagsleiinga enno, seier Tore Matre.

Høgt nivå - men litt rot

– Nivået var høgare enn i nordisk, spesielt i toppen, seier Matre, som tok 4. plass med høgre arm.

– Det blei noko rot før semifinalane, og plutseleg kom ein svenske som hadde blitt dømt som tapar i ein kamp han ikkje stilte opp i og fekk gå semifinale til fordel for meg. Eg skjønte ikkje heilt kva som skjedde.

– Eg såg at eg ikkje hadde sjanse på gullet, om det blei 4. plass eller sølv var eitt fett for meg, så tok meg ikkje bryet med å protestera.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.