Tokvam og Ose til VIP-teltet

Bård Ose og Finn Tokvam, blant anna kjent frå suksessen «PILS» på NRK P1, er aktuelle for Osfest 2016.

– Dei to har laga eit skreddarsydd program eksklusivt for Os, fortel Ole Reinert Berg-Olsen i ei pressemelding.

– Det skal bli fullspekka med gode historiar, intervju og aktuell musikk, entusiastisk levert av to karar med umiskjennelige sjarm og stil. Finn og Bård vil òg ha ei og anna overrasking på lur.

Ose og Tokvam er i VIP-teltet frå klokka 15 laurdagen under festivalen (6/8).

Bård Ose (55) er bergensar og musikkentusiast. Han har skrive bøker om både The Beatles, The Rolling Stones og Salhus Vinskvetten, og er kjent for si unike formidlingsevne.

Finn Tokvam (44) er radiolegende, forfatter, populærsanger og medmenneske. Samarbeidet med Bård starta på eit lager i NRK våren 2002, og har sidan då har dei hatt over 540 PILS-sendingar saman.