ORBO er ute med sin fjerde singel til albumet som kjem til våren. (Pressefoto)
ORBO er ute med sin fjerde singel til albumet som kjem til våren. (Pressefoto)

Tom Petty-trommis speler på ORBO sin siste låt

– Ferrone gir låten eit særpreg, seier Ole Reinert om den amerikanske kameraten sitt bidrag.

Kjetil Vasby Bruarøy
03. februar 2020 - 12:11

Musikaren ORBO, Ole Reinert Berg-Olsen, frå Os sleppte fredag singelen «Ride on Baby» saman med Steve Ferrone, kjent frå Tom Petty & The Heartbreakers.

ORBO har lenge vore inspirert av Tom Petty sin musikk, og blei kjent med Steve Ferrone for over ti år sidan.

– Vi har halde kontakten og blitt gode venar, seier Ole Reinert, glad for å ha fått Ferrone med på låten.

ORBO har spelt inn fleire album i USA, og har òg vore høgt oppe på radiolista AMA-chart og fått merksemd av skodespelar Russel Crowe.

Songen er spelt inn i Los Angeles, Oslo og Bergen og blir given ut på Grappa Musikkforlag. Låten er produsert av Bjarne Stensli og Ole Reinert Berg-Olsen.

– Det har vore heilt fantastisk å jobba med Ferrone, og eg meiner han gir låten ein heilt eigen «feel» som gjer den til ein perfekt roadtrip-låt, seier Berg-Olsen.

Til Bergens Tidende seier Ferrone at han liker musikken til ORBO, og har sans for både låtane han skriv og det hardtarbeidande bandet hans.

«Ride on Baby» er fjerde singel ut frå det komande albumet «Smoke & Mirrors», ORBO sitt niande album kjem til våren.

 

Les meir om

Kultur Artistar ORBO Musikk