Tor Endresen har kjøpt hytte i Os

Ein av Ausekarane kjem truleg til å vera ekstra mykje i skjergarden rundt Øyane i sommar.

Tor Endresen, her med Ausekarane i Øyane i fjor, har no kjøpt seg hytte på Ytterøya like ved Vedholmen Landhandel. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytirsdag 03. mai 2016 21:11

Bildeserie:

Ausekarane held eitt show på Os sentrum og to i Øyane til sommaren. (Foto: KVB)
Hyttefeltet med denne lagunen blir no Endresen sin sommaridyll. (Foto: KVB)
Ausekarane held eitt show på Os sentrum og to i Øyane til sommaren. (Foto: KVB)
Hyttefeltet med denne lagunen blir no Endresen sin sommaridyll. (Foto: KVB)
1 av 2
Hyttefeltet med denne lagunen blir no Endresen sin sommaridyll. (Foto: KVB)
Ausekarane held eitt show på Os sentrum og to i Øyane til sommaren. (Foto: KVB)

Bergensaren Tor Endresen (56) har fått sjå mykje av skjergarden på Vestlandet dei siste åra.

Musikaren, som blant anna er kjent for låtar som «Ingen er så nydelig som du» og «Radio Luxembourg», og TV-programmet Lollipop frå starten på 90-talet, har dei siste åra vore på tokt med ferjene MS «Showtime» og MS «Showboat» saman med resten av Ausekarane.

No ser det ut som om Endresen har funne ut kvar det er finast å gå i land.

Ifølgje lista over selte eigedomar i Os i april er Ytterøya 45 (Gnr 42, bnr 265) selt frå Ytterøy AS til Siren Helen Endresen og Tor Lars Oskar Endresen (for kr 2.450.000 kroner).

Midtsiden har ikkje lykkast i å nå Endresen på telefon i løpet av dagen.

Les òg: Herman Friele kjøpte hytte i Sørstrøno (2015)

Tre show i Os til sommaren

Han skal uansett til Os både onsdag 29. juni (Os sentrum) og laurdag 2. juli (Vedholmen/Øyane), då som del av årets turné med Ausekarane.

Denne sommaren er det sett opp to show i Øyane same kveld. Sjå video frå showet i Øyane i 2015, der «Fin i Bikini» gjekk for full hals.

Ytterøya er ikkje knytt til fastlandet, men tiltakshavar har avtale om båtplass nettopp i Øyane.

Selte fem tomter i fjor

Ytterøya 45 (Gnr 42, bnr 265) ligg i feltet med lagunen som RH Koldal frå 2008 har jobba opp.

Sjå bildeserie og les meir om det unike hyttefeltet.

Ytterøya AS, som har selt til Endresen, kjøpte tre tomter av Koldal.

– Eg selte fem tomter i fjor og bygde hytte for kunden som kjøpte den eine, fortel Rolf Henning Koldal.

12 av dei 22 tomtene han hadde hand om er selt.

– Tre-fire andre er opparbeidd og kjem for sal no i mai, fortel Koldal.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.