Traff eit yngre publikum

Vellukka lille nyttårsaftenfest med Osfest. – Det var kjekt at så mange unge kom, oppsummerer Tor Egil Hylland.

Andris Hamre
31. desember 2016 - 10:47

I tøff konkurranse med romjulsblues på Peppes og julerock på Ole B i Lysefjorden nådde Osfest, for dei, eit nytt publikum med Mighty Magnolias, Byting og Rotlaus i Nore Neset Aktivitetshus fredag kveld.

– Vi har hatt omlag 450 gjester har i kveld, oppsummerte Tor Egil Hylland medan Rotlaus sto på scenen som siste band.

Osfest lever

Ekstra kjekt for arrangøren var å sjå at publikum både kom tidlegare og var yngre enn det ein er vant med.

– Det er dei yngre som er framtidas festivalpublikum, så det var veldig kjekt å registrera. I høve neste år så tek vi eit grep for å nå denne gruppa. Fredagen blir det ein set-up som rettar seg meir mot yngre publikum, så blir det meir blanding på laurdagen, fortel Hylland, som framleis ikkje vil røpa kva artistar som står på programmet.

– Vi har fått stadfestingar frå dei fleste, men vil ha alt på plass, slik at vi får programmert festivalen best mogleg før vi går ut med artistlista.

– Kvelden i kveld viser at Osfest ikkje er over, sjølv om vi gjekk på ein smell i sommar, avslutter Hylland med eit smil.

Les meir om

Kultur Festivalar Osfest