Vegtrafikksentralen melder klokka 16.13 om eit trafikkuhell på Strønevegen.
– Det er redusert trafikkflyt i området, opplyser dei via Twitter.
OPPDATERT kl 17.00: Vegen er open for normal trafikk igjen.
Retting: Vi fekk først opplyst at uhellet skjedde nær Strønebrua, på fastlandet, men bilen ligg velta på sida på Strøno, nær brua.
![Kø frå Askvik mot brua. (Foto: Kjetil Vasby Bruarøy)](/_next/image?url=https%3A%2F%2Fcdn.sanity.io%2Fimages%2Fahcmq7tx%2Fproduction%2F93b5ab874750957111191f0f56931b36ef918621-4032x3024.jpg%3Frect%3D0%2C303%2C4032%2C2418%26w%3D752%26h%3D451%26q%3D100%26dpr%3D2&w=3840&q=75)
– Ein bil har køyrd i fjellveggen. Det er éin person involvert, og vedkomande framstår som uskadd, opplyser politiet.
Det skal ha vore glatt på staden.
– Det kan vera glatt andre stadar òg. Køyr forsiktig!
Eit vitne på staden fortel at det er svært glatt.
– Det er dårleg salta, men det har vore dårleg vedlikehald på denne vegen i heile vinter, synest vedkomande.
![](/_next/image?url=https%3A%2F%2Fcdn.sanity.io%2Fimages%2Fahcmq7tx%2Fproduction%2F8be5089e1b321f3f697fafee7061755487c915c0-498x342.jpg%3Frect%3D0%2C22%2C498%2C299%26w%3D752%26h%3D451%26q%3D100%26dpr%3D2&w=3840&q=75)
Bilen skal ha hatt retning Strøno då den kom over brua og køyrde utfor og velta.
Bilførar kom frå det utan alvorlege skadar.