Lokal | 03. mai 2018

Trassa regnet - fann tatoveringsmaskin (!) i fjøra

370 elevar ved Nore Neset barneskule har rydda boss i dag.

Trassa regnet - fann tatoveringsmaskin (!) i fjøra
Kjetil Vasby Bruarøy
Kjetil Vasby Bruarøytorsdag 03. mai 2018 12:56

Bildeserie:

Kristin, Karianne og Angelica på veg tilbake til skulen. (Foto: KVB)
Kristin, Karianne og Angelica på veg tilbake til skulen. (Foto: KVB)
Elevane samla bosset på skulen. (Foto: KVB)
Elevane samla bosset på skulen. (Foto: KVB)
Det blei òg funne oljefat og bildekk. (Foto: KVB)
Det blei òg funne oljefat og bildekk. (Foto: KVB)
5. trinn viste fangsten frå fjøra til rektor. (Foto: KVB)
5. trinn viste fangsten frå fjøra til rektor. (Foto: KVB)
Så var det hotdog som takk for innsatsen. (Foto: KVB)
Så var det hotdog som takk for innsatsen. (Foto: KVB)
1 av 5
Kristin, Karianne og Angelica på veg tilbake til skulen. (Foto: KVB)
Elevane samla bosset på skulen. (Foto: KVB)
Det blei òg funne oljefat og bildekk. (Foto: KVB)
5. trinn viste fangsten frå fjøra til rektor. (Foto: KVB)
Så var det hotdog som takk for innsatsen. (Foto: KVB)

I helga gjekk ordførar Marie Bruarøy ut og inviterte til ei veke med bossryddedugnad i Os, frå i dag og ei veke fram.

Torsdag 3. mai er NRK sin «Hele Norge rydder-dag», laurdag 5. mai er den store strandryddedagen.

Blant dei som har engasjert seg i Os er Nore Neset barneskule.

– Alle våre 370 elevar har deltatt, fortel rektor Børge Lunde.

1. til 4. trinn rydda før lunsj, 5. til 7. trinn rydda eit par skuletimar etter lunsj.

– Dei yngste rydda i nabolaga rundt skulen, 5. trinn har vore i Skeisleira, 6. trinn gjekk mot Irgenskrysset og vi i 7. trinn har vore langs hovudvegen (Skeisflaten) nesten til Grindavoll, fortel lærar Kristin Davanger.

– Fann mykje meir enn venta

To elevar som gjekk saman med Davanger tilbake frå ryddearbeidet, med kvar sin sekk med boss, fortel om dagens fangst.

– Vi fann mange sneipar og brukte snusposar, tre vinflasker og nokre sprøyter, heldigvis utan sprøytespiss. Det blei òg funne større ting, som sykkelhjul, fiskestang, dekk og ballar, fortel Karianne Hope og Angelica Håvardstun.

– Det vi fann mest av var plast og godteriemballasje.

Det eine klassetrinnet tjuvstarta og rydda rundt skulen i 20 minutt i førre veke. 40 elevar samla heile 9 sekkar med boss i løpet av den korte tida.

Store mengder og rare funn i fjøra

Dei som kom sist tilbake til skulen var 5. trinn, som hadde vore i fjøra og samla boss.

– Det var masse isopor, plast, sneipar og snus, men vi fann òg ølboksar, lighter og ei tatoveringsmaskin!

Elevane tok sjølv med seg bosset frå Skeisleira og opp til skulen.

Dei yngste fekk is for sin innsats, dei eldste fekk hotdog då dei var tilbake til skulen.

• Har du bilde og nokre ord om din ryddeaksjon? Send til tips@midtsiden.no

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.