Tre bilar skadd i kollisjon på Byvegen

Torsdag klokka 16.23 rykte politi, lege, ambulanse og brannvesen ut på melding om kollisjon i Industrivegen.

Ulykka viste seg å ha skjedd på Byvegen ved avkøyrsle til Gudriflaten.

Tre bilar med til saman fire personar er involvert.

– Den eine blir sjekka av ambulansepersonell på staden, grunna nokre smerter, dei tre andre framstår som uskadde, opplyser politiet via Twitter.

Alle bilane hadde same køyreretning, frå Os mot rundkøyringa ved Meny og Uno X.

Det var kø på staden, så trafikken sto stille, men den bakerste bilen klarte ikkje å stoppa.

Bilen som blei påkøyrd bakfrå gjekk vidare inn i bilen framfor.

Artikkelen blir oppdatert når vi får meir informasjon frå politiet. Dei var opptatt i samtale med førar av den bakerste bilen, ein ung mann, mens vi var på staden.