Sport | 28. feb. 2020

Tre faktorar som gir håp om VM-medalje

Kan Sverre Lunde Pedersen gi heimepublikummet noko å jubla over?

Sverre Lunde Pedersen ser på seg sjølv som ein utfordrar denne helga. (Foto: Kristian Vårvik)
Kjetil Vasby Bruarøy
Kjetil Vasby Bruarøyfredag 28. feb. 2020 10:16

I dag startar VM sprint og allround, for første gong saman, i Vikingskipet på Hamar. Laurdag går Sverre 500 meter og 5000 meter, søndag står 1500 meter og 10.000 meter for tur.

Etter ei trøblete oppkøyring, med sykkelvelt i Tyskland i slutten av september, har Lunde Pedersen skuffa i verdscuponinga, og stått over verdscup i Asia. Bronse i lagtempo er beste plassering til no.

Er det likevel håp om at han tar medalje i Vikingskipet, der over 50 osingar i helga finn plass på tribunen?

Formstiging, VM-programmet og heimebane-faktoren, særleg det at Vikingskipet ligg i låglandet, kan slå positivt ut for Sverre.

Positiv utvikling

Overgangen til 2020 blei betre for Sverre, allereie i EM allround 10. januar var han nær medalje på 1.500 meter.

– Eit stort steg i riktig retning, sa han etter løpet.

Også på 5.000 meter har han vist at pila peikar rett veg.

– Eg merkte god framgang frå verdscup i Calgary til VM i Salt Lake City, seier Sverre til Midtsiden.

Den første helga i februar hamna han på 12. plass med tida 6.17,3, helga etter kom han på 4. plass i VM med tida 6.11,8.

– Formen var ikkje, som eg mistenkte på førehand, heilt der den burde vera. Men det har gått rett veg. Formen kjennest også fin ut no.

Lader opp - som utfordrar

Sverre seier han var sliten då han kom heim frå USA, men at han har hatt ei god oppkøyring inn mot VM.

– Korleis ser dei siste dagane før løpsstart ut?

– Førre veke var roleg, nok kjenner eg meg lettare i kroppen. Torsdag var ein roleg dag på sykkel, i dag er det ein liten tur på isen og noko intervall på sykkel fredag ettermiddag.

– Med den oppkøyringa og dei resultata eg har hatt denne sesongen føler eg at eg er i utfordrarposisjon. Men eg føler òg at eg har noko å stilla opp med, og eg gler meg til å koma i gang!

Spennande? Vil du ha ukas høgdepunkt i innboksen?

Les meir om

Tilgang til alt innhald for berre 145 kr i månaden

Di støtte gir liv til lokalavisa vår. Vi set stor pris på om du hjelper oss å spreia nyheitene!

  • Tilgang til alt innhald
  • Under 37 kr/veka
  • Utan bindingstid
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.