Tre frå Os på Arm Wars

Asle, Ronny og Frode vann fleire kampar då dei i helga blei filma av Eurosport i Köln.

F.v.: Asle Kvamsdal, Ronny Bruarøy Risøen og Frode Veim Haugland deltok i Arm Wars i Köln i helga. (Privat foto)
Kjetil Vasby Bruarøy
Kjetil Vasby Bruarøyonsdag 17. apr. 2013 11:00

– Alle tre har vore i Arm Wars før, men aldri samtidig, seier Frode Veim Haugland, som var den første frå Os som blei invitert til å bryta i det Eurosport-sendte programmet Arm Wars.

I Arm Wars går kjente armbrytarar mot kvarandre i seks kampar med kvar arm.

I helga var både Asle Kvamsdal, Ronny Bruarøy Risøen og Frode Veim Haugland i Köln for å bryta.

Vann over dei fleste

Ronny og Asle deltok i Battle Ground, fire deltakarar i pulje med semifinale og finale. Taparane av første kamp gjekk mot kvarandre i bronsekamp.

Ronny tapte 6-0 med venstre for den svenske motstandaren Glenn Bengtsson, som er svensk meister i -80 kg. Den neste kampen, som gjekk mot ein nederlendar, vann han 5-1.

Med høgre arm gjekk det litt betre, med 2-4-tap for svensken og 4-3-siger over nederlendaren.

Asle slo svensken 4-3 og nederlendaren 4-2 med venstre arm. Med høgre vann han 2 av 6 over svensken og vann 4-3 over nederlendaren.

Frode gjorde reint bord

Frode braut rein Arm Wars, men berre med høgre, då han er skadd i venstre.

Han vann alle dei seks rundane over tyske Andreas Hoffner.

– Brytinga blir nok ikkje vist på TV før til hausten seier Frode.

– God trening, få konkurransar

Det har til no i år vore lite å bryna seg på for dei mange sterke armbrytarane frå Os Håndbakklubb.

– NM skifta arrangør og blei utsett til hausten, noregsmeisterskapen 2013 blir på Gardermoen i oktober.

I mai er det EM i Litauen. Uttaket er framleis ikkje kome og Haugland er usikker på om nokon frå Os skal stilla.

Neste internasjonale konkurranse kan bli VM i Polen i september.

– Men det er bra med trening og fin aktivitet i klubben. Det har også kome inn fleire nye, blant anna ei jente frå Fusa og nokre juniorar, seier Frode frå klubben som tok 12 NM-gull i fjor.

Midtsiden samleside: Handbak

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.