Korona | 20. apr. 2021

Minst tre vaksinerte smitta av korona

– Dei fekk nok vaksinen litt for seint.

Minst tre vaksinerte smitta av korona
Kommuneoverlege Klaus Melf. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytirsdag 20. apr. 2021 09:54

I helga fortalte Os & Fusaposten om eit smittetilfelle i Bjørnafjorden kommune, der den smitta nyleg var vaksinert.

– Vi har hatt fleire slike tilfelle, eg kjenner til minst tre, fortel kommuneoverlege Klaus Melf.

Første dose har maksimal effekt først etter tre veker. Dei smitta var nyleg vaksinerte då dei fekk covid-19.

– Har dei vore uforsiktige etter vaksinasjon?

– Eg har ikkje inntrykk av at folk endrar vanane sine etter at dei er vaksinerte.

– Dette er nok tilfeldig, dei har rett og slett fått vaksinen nokre veker for seint i forhold til dagen dei blei utsette for viruset. For eksempel om dei var nyvaksinerte før påske, og fekk besøk i ferien.

Lengre tid mellom dose 1 og 2

Vaksinen får betre effekt dag for dag etter første stikk, fram til tre veker har gått. Til no har kommunen gitt dose to etter desse tre vekene.

– Du er godt beskytta etter første dose, dose to skal vera ein boost som forlenger tida du er beskytta.

– FHI har no utvida tidsaspektet for kor tid dose to bør setjast frå 3 til 6 veker etter dose éin. Det gir oss fridom når vi legg kabalen frå veke til veke, og rom for å setja fleire førstedosar i tida framover.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.