– Treng meir enn kantslått

Under politisk kvarter i formannskapet tysdag tok Marie Bruarøy (H) opp trafikktryggleiken langs Lepsøyvegen, nærmare bestemt rett før Lepsøybrua, der tre og buskar gror godt.

- Statens vegvesen tar kantslått eit par gangar i året, men dei får ikkje nok med seg.

- Er det mogleg å be dei om å kappa nokre av trea slik at ein får fri sikt frå brua? undra Marie Bruarøy.

Området det gjeld ligg akkurat ved Kongshaug Musikkgymnas og ein sti som kjem ut i vegen som er mykje brukt av skuleelevar.

- Slik det er no skaper det trafikkfarlege situasjonar, hevda Bruarøy.

Ikkje den einaste staden

Kommunalsjef Karl Ole Midtbø fortalde at dette ikkje er den einaste plassen i kommunen kor vegetasjonen skaper trafikkfarlege situasjonar.

- Vi har ein del andre plassar òg som godt kunne vore rydda meir opp i, sa han.

- Eg har sendt en epost til vegvesenet som ein hastesak medan vi har sete her og allereie fått svar om at saka er sendt vidare i systemet.