– Treng sterkare nasjonale føringar

Partileiaren er i desse dager på ein 18 dagars turné gjennom heile landet for å møte folk der dei bur. I turnébuss med senger, eigen kokk og Amund Nordstoga med band reiser Trygve Slagsvold Vedum (Sp) gjennom Noreg for å møta folk der dei bur.

Onsdag tok partileiaren seg tid til å møte lokale senterparti folk og til ein avstikker til tomta på Hjelle, kor kommunen har vedteke at den nye skulen aust om elva skal komma.

Lokallagsleiar Eivind Moberg fortalde om ad-hoc utvalet sitt arbeid, og at det fantes andre areal som var like gode, men at fleirtalet likevel hadde vald å ta dyrka mark som skuletomt.

– Det er eit klassisk eksempel på at kommunen tek enkel løysingar og ikkje tek jordvernet på alvor. Jordvernet bør vera viktigast, her har ikkje kommunen strekt seg lagt nok, kommenterte 2. kandidat for Hordaland, Nils T. Bjørke.

Klassisk situasjon

Slagsvold Vedum sa seg eining og la til at ein treng enno sterkare føringar.

– Det er ein klassisk situasjon. Og dette er eit ganske stort jorde i vestlandssammenheng. Jordvernet er sterkt, men vi ser at det blir fravike kvar einaste dag. Difor treng vi sterkare nasjonale føringar. Dette handlar også om ei beredskapstenking, kor det er klokt å ha produksjonsareal. Du kan ikkje dyrka oppover lia der, påpeika partileiaren og peika oppover mot Hjelle.

Forstår grunneigarar som sel

På spørsmål om kva han tenkjer om at anna LNF-området, som til dømes delar av golfklubben på Hjelle, også kan bli bygd ned som følgje av eit ønskje frå grunneigar om å selgje og byggje bustader i samarbeid med ein komersiell aktør viste Slagsvold Vedum forståing.

– Eg vil ikkje angripa grunneigarar. Eg kan forstå at dei vil gjera pengar på eigedommen sin. Nettopp difor trenger vi nasjonale haldningar og nasjonale begrensingar. Også i buområder er det fint med grøne lunger, avslutta Slagsvold Vedum før han hasta vidare til Halhjem og ferja til Stord.