Klas Færøvik satsa på at skyene var skodde - på Gullfjellet fekk han stadfesta mistanken og kunne nyta denne utsikta. (Foto: Halldis Bernhardsdottir Engen)

Trudde du at det var overskya i går?

Han nekta å tru at vêrmeldinga tok feil - og fekk denne utsikta i løn.

image
image
image
Av: Kjetil Vasby Bruarøy

Terrengløpar Klas Færøvik fekk ein skuffande start på laurdagen. I fleire dagar hadde vêrmeldinga sagt at det skulle bli sol, og ein skytung formiddag var ikkje det turvêret han hadde venta seg.

– Så tenkte eg; «kanskje det ikkje er skyer, men skodde», fortel Klas, som var optimist i det han sette seg i bilen.

Turen gjekk til Unneland for rask entré på Gullfjelltoppen, 987 meter over havskorpa.

• Sjekk turinfo for Gullfjellet på UT.no

– Om eg gir litt på så er eg oppe på toppen og nede igjen på to timar. Det tok tid å koma seg over skodda, men det verkeleg verdt det! Så vindstille som det var, låg skodda som eit teppe rundt fjelltoppane!

Utan kamera - utan tskjorte

Klas hadde gløymt å lada mobiltelefonen sin, så den var ikkje med. Det einaste han hadde med seg var «verdas beste turkamerat», hunden «Litha» som han låner av ein ven.

Men då han såg utsikta lånte han andre turgåarar sine mobilkamera og sendte bilda til seg sjølv.

Utsikta var fantastisk! Det same var temperaturen, denne rekordvarme novembermånaden.

– Eg vrengte av meg den våte Swix-trøya og tok resten av turen i bar overkropp.

Frå 18 pluss til 3 minus

For ti dagar sidan blei det ifølgje BT målt 18,1 gradar på Gullfjellet.

Det er meldt lettskya og sol i Os heile veka til og med neste helg, men temperaturane skal ned frå 5 til 2 gradar på dagtid, med fare for frost om natta.

Sjå vêrvarsel for Os på Pent.no

Fleire saker