Trugande mann knuste busskur

Søndag i 11-tida fekk politiet melding om hærverk som skjedde laurdag litt før klokka 13, i busskuret ved Kuvågen/Ytre Moberg retning nord/Os.

– To ungar meldte frå om at ein mann knuste glasvegg og bosspann med ei jernstang, fortel Frode Kolltveit, operasjonsleiar i Vest politidistrikt.

Dei unge vitna gjekk til neste busshaldeplass, ved Kiwi, for å ta bussen.

Retta versjon: Midtsiden har snakka med mor til eit av vitna, og det viser seg at notatane til politiet førte til ei misforståing: Det var laurdag dette skjedde, ikkje søndag, og det er ein vaksen mann som er mistenkt.

– Ungane har skildra han som ein mann i 30-40-åra med brun skinnjakke. Om dei som sat i bussen han tok til Os har lagt merke til han, så reknar eg med at politiet er interessert i tips.

Mannen skal ha vore trugande mot ei kvinne i busskuret og hendinga var skremmande også for ungane, som skulle ta bussen til Os.

Politiet skal ha ein peikepinn på kven det kan vera, men har førebels ikkje snakka med nokon mistenkte.