Truleg ny drivar av ferjene

I følgje Sogn Avis var Torghatten Nord 1,1 milliard billigare enn Fjord1 då anboda blei opna i midten av august.

Tilbodet frå Torghatten Nord skal ha vore på 4,7 milliardar kroner for å driva sambandet frå 2019 og ti år framover. Tilbodet frå Fjord1 skal ha vore på 5,8 milliarder kroner, medan Norled, som var det tredje selskapet som leverte tilbod, hadde prisa det til like over seks milliardar kroner, i følgje avisa.

– Det er ein del av spelet å bli møtt med konkurranse, seier André Høgset, fungerande administrerande direktør i Fjord1 til Sogn Avis.

Sambandet mellom Halhjem og Sandvikvåg er eitt av dei mest lønsame ferjesambanda i Hordaland og eit viktig samband for ferjesambanda.