Sport | 02. feb. 2018

Trur Sverre tar OL-medalje

Her er odds på Sverre Lunde Pedersen sin 1500 og 5000 meter i Pyeongchang.

Trur Sverre tar OL-medalje
Sverre Lunde Pedersen, her i Stavanger i 2016. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyfredag 02. feb. 2018 11:32

I dag er det ei veke til OL i Pyeongchang i Sør-Korea startar. Osingen Sverre Lunde Pedersen er ein av 109 norske deltakarar, og skal på isen allereie dag 3, søndag 11. februar.

Vi har bedt norskeigde, estiske Coolbet.com om odds på Sverre, som i førre verdscup, i Tyskland for to veker sidan, tok 2. plass på 1500 meter og 1. plass og ny banerekord på 5000 meter.

– Våre oddssetjarar trur på ein bronse på 1500 meter og 4. plass på 5000 meter, seier Mikael Mellqvist i Coolbet.

På 1500 meter trur dei at gullkampen vil stå mellom nederlenderane Koen Verweij og Kjeld Nuis.

Gull til Sverre gir 8 i odds, medalje gir 2,57 i odds.

– Han må overraska skikkeleg om han skal slå den nederlandske superduoen, men store favorittar har svikta før.

På 5000 meter er Sven Kramer storfavoritt. Her blir Sverre Lunde Pedersen tippa på 4. plass.

Siger til Sverre på 5000 meter gir 20 i odds.

Medalje til Sverre er meir sannsynleg, ifølgje Coolbet, som gir 3,5 i odds på topp 3-plassering.

– Det blir tight om bronsemedaljen, dagsformen kan fort avgjera, trur Mellqvist.

Her er nokre datoar for Sverre-fans å merka seg:
Søndag 11/2 kl 08.00: Skøyter – 5000 meter, menn (M)
Tysdag 13/2 kl 12.00: Skøyter – 1500 meter, menn (M)
Torsdag 15/2 kl 12.00: Skøyter – 10 000 meter, menn (M)

Den norske OL-troppen, skøyter:
Sverre Lunde Pedersen
Sindre Henriksen
Håvard Holmefjord Lorentzen
Allan Dahl Johansson
Håvard Bøkko
Simen Spieler Nilsen
Henrik Fagerli Rukke
Hege Bøkko
Ida Njåtun

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.