Tull i trafikken – feststøy frå gjengangar
Sjåførkort og førarkort var manglar på E39 i går. Så fekk politiet klage frå eit «fast» nabolag.
Torsdag formiddag blei eit utanlandsk vogntog stansa i kontroll av Statens vegvesen ved Svegatjørn kontrollplass langs E39.
– Grunna feil med sjåførkortet måtte førar parkera. Forholdet er meldt, opplyser politioverbetjent Atle Birkeland.
Same formiddag blei ein førar stansa og kontrollert på Halhjemsvegen av utrykningspolitiet.
– Det viste seg at førar, ein mann i 30-åra, ikkje har gyldig førarkort.
Han måtte òg parkera.
– Det blir naturlegvis oppretta sak på forholdet.
Natt til fredag kom det klage på høg musikk frå ei adresse rett utanfor Os sentrum.
– Ein patrulje køyrde ut til adressa. Vedkomande fekk pålegg om å halda nattero.
– Støy har vore eit gjentakande problem på denne adressa. Vi vurderer nye tiltak og å oppretta sak om dette skjer igjen.
