Lokal | 05. apr. 2019

Tung start på båtsesongen

Brannvesenet kjenner verken årsak eller eigar - men gav tilsnakk til sjefen sin (!).

Tung start på båtsesongen
Båten blei effektivt lensa. Brannvesenet vil prøva å finna ut kven som eig båten for å varsla. (Foto: KVB)
Kjetil Vasby Bruarøy
Kjetil Vasby Bruarøyfredag 05. apr. 2019 07:49

Bildeserie:

Tipset kom frå mann med båt i ein nabobås. (Foto: KVB)
Tipset kom frå mann med båt i ein nabobås. (Foto: KVB)
Denne bilen hindra brannvesenet frå å nå heilt fram. (Foto: KVB)
Denne bilen hindra brannvesenet frå å nå heilt fram. (Foto: KVB)
Bileigar viste seg å vera tipsar - og øvste sjef i Os kommune. (Foto: KVB)
Bileigar viste seg å vera tipsar - og øvste sjef i Os kommune. (Foto: KVB)
1 av 3

Fredag i 8.30-tida fekk brannvesenet tips om ein båt som flaut tungt i sjøen i marinaen ved Os Sjøfront og Oseana.

Båten, ein Uttern bow rider med 90 hk Mariner, hadde sokke ned til fenderlista, men blei effektivt lensa tom.

Den hadde ingen synlege ytre skader, og det er stille og fint vêr i Os om dagen.

– Eg veit ikkje kva som er årsaka, men det er jo mogleg at sjølvlensinga er tett. Kjem det nok vatn om bord kan dreneringa gå feil veg og båten tar inn sjøvatn, seier Gitle Smaadal frå Os brannvesen.

Brannvesenet vil prøva å finna ut kven som eig båten, for å varsla.

Bil sperra for utrykking

I mellomtida var varabrannsjef Arne Monsen like opptatt av at ein bil sto parkert på moloen, og hindra brannvesenet i å koma heilt fram til den aktuelle brygga.

– Hadde vi hatt ei drukningsulykke no, så kunne denne forseinkinga vore alvorleg.

Så kom bileigar, rådmann Christian Fotland, springande.

Han fekk ei venleg irettesetting, men samtidig ei takk, då det var han som varsla om båten som trengte assistanse.

– Eg skal selja båten min i dag, og ventar på kjøpar, som kjem frå Stavanger, fortel rådmannen om ærendet og den litt uheldige parkeringa på moloen.

Dei med båtplass og ærend i hamna har lov å køyra til bryggene for lasting og lossing av utstyr.

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.