Turgåar skadd på Lyshorn

Søndag i 15-tida rykte ambulanse ut til Lyshorn på melding om skadd kvinne i fjellet. Kvinna skal ha vore i turfølgje med fleire.

Os brann og redning blei kalla ut for å assistera.

– Samhandling mellom nødetatane er ein fordel. Dette fungerer heldigvis godt i Os, seier brannsjef Stein Gjøsund.

ATV-en var med, men stien vidare var bratt og gjennom tett skog der landcruiseren stoppa.

– Det blei eit stykke å gå, men vi hadde heile vaktlaget på fem personar ute. Erfaring frå førre aksjon, då vi var på Linken, gjorde at vi tok med nok mannskap til å rullera.

– Det kan vera krevjande å gå med båre i terreng, særleg når det er fare for glatte parti, fortel Gjøsund.