Turlaget har ein draum

Os Turlag har i tre år jobba med prosjektet å få etablert ein klatrevegg ein eller annan stad i Os.

- Vi har mange medlemmar som ønskjer seg ein stad å klatra og å få dette tilbodet på plass innandørs i Os.

- Nore Neset idrettshall har sagt at vi kan få ein leieavtale med dei om vi bygger veggen i hallen deira, fortel leiar i Os Turlag Linda Lohne.

Prislapp 300 000

Klatreveggen turlaget har fått tilbod på har ein totalkostnad på 300.000 kroner.

- Gjennom sponsorar, støtte, innsamlinga og diverse fond har vi klart å samla inn 220.000 kroner, men vi manglar framleis 80.000 for å få prosjektet i hamn.

- Vi har søkt og lett i alle krinklar og krokar av fond og anna for å finna støtte til dei siste kronene, men det har stoppa opp. Om det finns nokre politikarar, rike onklar eller firma i Os som kan hjelpe oss den siste biten så hadde vi blitt veldig glad.

- Dei som støttar oss kan få ei eiga klatrerute i veggen oppkalla etter seg, lovar Lohne.

Mestring i alle aldre

Lohne meiner klatring kan ha helsefremmande effekt for folk i alle aldre.

- Klatring er noko alle kan meistra. Ein kan byrja på enkle ruter og trena seg opp til høgre og høgre nivå.

- I tillegg trur vi ein klatrevegg kan være eit godt forebyggjande tiltak til ungdom som har lyst til å gjera noko anna enn å spele fotball.

- Om det er nokon som har lyst til å bidra er det berre å kontakte Alf Holdhus som er prosjektleiaren vår på klatreveggen, avsluttar Lohne som håpar turlaget sin draum kan bli realisert.