TV-aksjonen: Ikkje rausast i Hordaland

Kvar osing gav knappe 34 kroner, berre innbyggarane i Fjell gav mindre i fylket vårt.

Kvar osing gav i snitt 34,56 kroner til årets TV-aksjon. (Foto: Kjetil Osablod Grønvigh) 
Kjetil Osablod Grønvigh
Kjetil Osablod Grønvighmandag 21. okt. 2019 15:06

I går var det tid for årets TV-aksjon.

Mottakar var organisasjonen CARE.

• Les òg: Nordmenn fekk i si tid hjelp av CARE.

Imponert over gleda

Dagen etter dagen er innsamlingsleiar Tove Hille oppteken med å rydda etter ein lang søndag.

– Eg gjekk heim i 21-tida i går kveld. Då vart det ein time med TV-aksjonen på TV, og så tok eg kvelden.

Hille har ikkje hatt tid til å setja seg inn i innsamlingstala for Os, men ho kan melda om ein dag med stort engasjement og mange glade frivillige.

– Det var berre smil å sjå overalt. Bøsseberarane kunne melda om flotte turar rundt i bygda, og veldig mange familiar tok bøsseberinga som søndagstur i det flotte vêret.

– Kafeen som åtte konfirmant-ungdommar dreiv i Tunet vart ein fin plass å samlast etter at folk hadde vore ute med bøssene. At vi i tillegg kunne tilby heimebakst gjorde vel sitt til at veldig mange vart sitjande ei stund etter at dei var ferdige.

32. plass av 33 kommunar

I skrivande stund viser resultata frå årets TV-aksjon at kvar osing gav 34,56 kroner, basert på 20.804 innbyggarar.

Totalt gav osingane 719.152 kroner.

Os hamnar på 32. plass av totalt 33 kommunar i Hordaland, kun «slått av» Fjell som gav 34,21 kroner per innbyggar. Os er på 366. plass av dei no 423 kommunane i landet.

Modalen kommune toppar lista med 159,46 per innbyggar.

For Hordaland som fylke er totalen komen opp i 21.469.625. kroner. I fjor var totalen 25.072.280. Då gjekk pengane til Kirkens Bymisjon. Hordaland ligg på 9. plass av 18 fylke.

Det vert nok ikkje ny innsamlingsrekord i år, til det er nok vegen opp til fjorårets 257.449.536 kroner for lang.

Før sommaren vart det bestemt at det er WWF Verdens naturfond som får TV-aksjonen i 2020.

WWF fortel at dei vil bruka pengane til å bekjempa plastproblema i havet.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.