Sport | 26. juni 2015

TV2 viser jentelag frå Os

Under Norway Cup kan du sjå denne gjengen spela mot eit lag frå Mo i Rana – på TV2.

TV2 viser jentelag frå Os
Os J16, her som jenter 14 under Norway Cup i fjor. 11 av desse 14 skal saman med 9 andre til til Norway Cup i år. (Foto: Kjetil Vasby Bruarøy)
Kari M. Lyssandfredag 26. juni 2015 11:35

I dag er det ein månad til Norway Cup startar, og i dag la TV2 ut lista over alle kampane dei dekker før sluttspelet startar.

Blant kampane er det éin kamp med lag frå Os.

Os J16 sin andre innleiande kamp, som går mot Bossmo & Ytteren andre cupdag måndag 27. juli, blir vist på TV2.

1. divisjon mot 3. divisjon

Bossmo & Ytteren er frå Mo i Rana og landa på 4. plass i 1. divisjon etter vårsesongen.

– Os har i samarbeid med Nore Neset to jentelag, eitt i 1. divisjon og eitt i 3. divisisjon. Laget vi reiser med er det opprinnelege Os-laget, med 6-7 spelarar som har spelt 1. divisjon i år.

Les òg: Klatra seks plassar

– Eg kjenner ikkje nivået i Nordland. Vi kan nok førebu oss på ein litt tøff kamp, men vi har seinast i Lagunen Cup i haust slått ut lag frå 1. divisjon og går for siger i TV-debuten vår, seier trenar (og Midtsiden-redaktør) Kjetil Vasby Bruarøy.

9 lag frå Os

Os Fotball stiller med til saman 7 lag, eitt jentelag, tre i gutar 16 og tre i junior.

Nore Neset IL stiller med to gutar 16-lag.

Dei kan blant anna sjå fram til opningsshow på Ekeberg laurdag 25. juli med artistar som Main Level, Suite 16, Tone Damli, Ravi & Stella, Marcus & Martinus, Staysman & Lazz og Astrid S.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.