Uhell med lastebil i Torkjelsvegen

Tysdag morgon blei ein lyktestolpe dradd i bakken i Torkjelsvegen.

Årsaka var at kassen på ein lastebil hadde hekta seg fast i nokre leidningar som kryssa vegen.

– Kassen var nede då eg køyrde, men har truleg ikkje festa seg skikkeleg, så den reiste seg då eg køyrde opp bakken, seier sjåføren til Midtsiden.

Han er på staden og ventar på BKK Nett, som skal vera på veg.

Det er på BKK Nett sitt kart over straumstans ikkje notert straumbrot i området, men vegen er i skrivande stund sperra.