Kultur | 09. jan. 2012

UKM til Oseana

Frå 2013 kjem fylkesmønstringa i Ungdommens Kulturmønstring til Oseana, men først skal dei lokale ungdommane i sving.

UKM til Oseana
Arrangementssjef Berit Steen lanserte vårprogrammet laurdag (foto: Andris Hamre)
Andris Hamremåndag 09. jan. 2012 07:54

Under lanseringa av vårprogrammet for Oseana i Griegsamlinga laurdag sleppte arrangementssjef Berit Steen nyhenda om at den store fylkesmønstringa i Ungdommens Kulturmønstring kjem til å gå føre seg i Oseana.

- Laurdag 5. februar er det UKM for ungdom i Os og Fusa, men eg kan vel kanskje allereie no fortelja at eit år seinare, i februar 2013, kjem den store fylkesmønstringa med ungdommar frå heile Hordaland til å gå føre seg her i Oseana, sa ei tydeleg stolt arrangementssjef Berit Steen.

Ungt og morosamt

- Og nettopp ungt er noko av det som pregar programmet. Skal eg oppsummera programmet kan vi seia at det blir ungt, tungt og morosamt.

- Aldri har vi hatt så stor deltaking frå kulturskulen som i vår, og vi opnar med ein matinékonsert med lærarane frå nettopp kulturskulen har i dag, fortalte Steen før ho sleppte lærarane til.

- Kjekt å visa seg fram

Seks av lærarane ved kulturskulen hadde sydd saman eit spennande program med verk frå Edvard Grieg til Fredric Chopin.

- Det er jo litt kjekt at også lærarane kan få visa seg fram. Vanlegvis er det jo, naturleg nok, elevane som står i fokus, sa rektor Christian Breistein før han saman med Gry Pladsen, Eystein Sandstø Kvam, Knut Magnus Bøen, Elonora Melik Larsen og Mari Persen entra scenen framfor dei om lag 40 frammøtte.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.