Ulovleg øvelseskøyring i høg fart

Måndag i 13.30-tida fekk politiet i Os melding om stygge forbikøyringar på Stord.

– Bilen køyrde på E39 retnings Sandvikvåg, og tok ferja til Halhjem. Der sto vi og venta, fortel politioverbetjent Rune Fimreite.

Bilen blei stoppa og førar kontrollert.

– Det viste seg at han ikkje har førarkort. Vedkomande påsto at han dreiv med øvelseskøyring.

Kvinna som eig bilen sat på, men vilkåra for øving var ikkje innfridd. Begge blei meldt, han for å køyra bil utan førarkort, ho for å ha overlete bilen til ein som ikkje har lov å køyra.

Knuste spegl på lastebil

Klokka 21.12 måndag kveld fekk politiet melding om eit lite trafikkuhell på Halhjem.

– To lastebilar hadde køyrd tett på Halhjem ferjekai, og den eine hadde knust speglet på den andre.

– Bilen køyrde vidare. Ein patrulje kom frå Fana for å prøva å finna denne igjen, utan å lykkast.