midtsiden

Ulvenparken veks

I august flytta siste leigetakar ut, no investerer Jan Lepsøe i omfattande utviding og oppgradering av Ulvenparken.

image
image
image
image
image
image
Av: Kjetil Vasby Bruarøy

- Vi har fått 1500 nye kvadratmeter med to nye etasjar i den eine produksjonshallen, fortel Ann-Elin Lepsøe Berge.

18. august flytta den siste og største leigetakaren ut, Frank Mohn leigde 1000 av 2000 kvadratmeter. No får Ulveparken AS 3500 kvadratmeter å leiga ut, i kraftig oppgraderte lokale.

Vindauge mot Svegatjørn
Den største hallen har blitt delt i høgda, og får to nye etasjar, kvar på 750 kvadratmeter. Etasjane er på plass, no blir det jobba med støyping av trappetrinn og sveising av rigg til ny, stor glasfasade.

- I glaset kjem ny, stor hovudinngang. På andre sider av bygget har vi portar for å frakta materialar og varer inn og ut. Frå dei nye etasjane har vi flott utsikt gjennom den komande glasfasaden mot E 39 og Svegatjørn.

Alle delar av bygningane blir pussa opp, og skiljeveggar blir rive for å gjera Ulvenparken mes mogleg fleksibel før annonsering av ledig lokale.

Framtisdretta
I tillegg til utvidng og oppussing har Ulvenparken AS investert i to nye heisar, ein personheis og ein vareheis med kapasitet på to tonn.

- Vi legg også til rette for rørslehemma, slik at vi får eit framtidsretta og fleksibelt bygg, seier Ann-Elin.

Industri og handel
Ulvenparken har dei siste åra kjempa om å få endra regulering frå industri til handel. Naboar har frykta at eventuelle nye leigetakarar vil koma til å klaga på støy frå allereie etablert industriaktivitet, og kommunen har heller ikkje gått for omregulering.

- Drøymer de framleis om å få handel i bygget?

- Vi legg til rette for plasskrevjande verksemd, og kan innreia til mange typar leigetakarar. Det fins ulike typar drift og fleire som har ein kombinasjon av industriliknande aktivitet og handel, seier Berge.

Fleire saker