Fredag klokka 13.42 fekk Midtsiden melding om mogleg trafikkulykke i Irgenskrysset, krysset mellom Skeisflaten og Ulvenvegen/Strønevegen.
– Ein elbil sto ut i vegen, vi lurte på om den var tom for strøm. Så såg vi ein person som låg i utkanten av vegen, ved busstoppet, og at bussen sto med nødblink på. Det var mykje folk på staden, så vi stoppa ikkje for å gå ut og sjekka.
Klokka 13.46 kom det informasjon frå politiet.
– Vi fekk melding om ulykka klokka 13.41. Politi og ambulanse er på veg til staden, fortel operasjonsleiar Steinar Hausvik.
Ein fotgjengar er påkøyrd av bil. Fotgjengaren, eit barn, er vaken og bevisst.
Pårørande er varsla.
Artikkelen blir oppdatert ...
I skrivande stund ser det, ifølgje Google Maps si trafikovervaking, ikkje ut til å vera kø på staden.
Ein tipsar fortel at politiet dirigerer trafikken.
OPPDATERT 13.34: Barnet, som er i slutten av barneskulealder, blir tilsett av helsepersonell. Mora har kome til staden.
OPPDATERT kl 14.16: Den skadde er køyrd med ambulanse til legevakt for sjekk.
Nødetatane avslutta på staden klokka 14.48.
