Ung mann skalla til ein gut

Måndag i 18-tida fekk politiet melding om ein valdsepisode i Os sentrum.

– Meldinga gjekk ut på at ein mann i 20-åra hadde skalla til ein gut i slutten av tenåra, fortel politioverbetjent Martin Nordeide.

Politiet var raskt på staden, og tok avhøyr av begge to. Episoden fann stad nær Os terminal.

Mannen i 20-åra er kjent for politiet frå før.

– Det framstår som uprovosert vald.

Fornærma såg ut til å vera uskadd, men blei sendt til legevakt for sjekk.

I samråd med jurist blei begge dimittert etter avhøyr. Politiet har oppretta sak.