Ungdom fjerna frå Undino
Politiet tysdag: Feilparkert bil, mann som ikkje møtte i retten, krav om innlevering av våpen og ungdom som samla seg ved Undino.
Tysdag hadde politiet i Os eit par småting å ta hand om.
– Vi hadde fått ei bekymringsmelding etter funn av våpen i bil, og fekk eigar til å levera inn diverse luftvåpen og ein paintballpistol (markør, red anm), fortel politioverbetjent Terje Sperrevik.
– No vil vi i ettertid vurdera om det er rett å levera desse tilbake igjen til eigar.
• Politiet i Os var også i Bergen i går, for å henta inn ein som ikkje møtte i retten.
• I løpet av dagen fekk dei også melding om ein feilparkert bil. Bilen sto til hinder, men eigar kom til staden og flytta den då politiet blei kopla inn.
• Tysdag kveld fekk politiet melding om ungdom som samla seg i rundkjøringa i sentrum, ved skulpturen Undine. Dei blei sendt i marsj frå staden.