Denne gjengen frå Os Skyttarlag kan treffa blink - Frå venstre: Celine Daviknes Hårvik, Maren Evensen, Sofia Dale, Gaute Eide Bergstø, Amalie Evensen, Daniel Myklebust Fjellstad, Adelheid Røttinggen Møller og Sofie Evensen. (Foto: Os Skyttarlag)

Ungdommane frå Os tøffa seg mot konkurrentane

Os Skyttarlag skaut godt i frå seg på Hordastevne - spesielt dei yngste tok heim gode resultat.

Av: Kjetil Osablod Grønvigh

Søndag 28. april var det Hordastevne i Jonahålo hos Åsane/ Hordvik skyttarlag.

Jan Kristian Evensen frå Os Skyttarlag fortel at troppen som reiste var ikkje den største, men osingane gjorde seg godt bemerka;

– Det vart ein storvegs dag, både vêrmessig og resultatmessig. Ungdommane «tøffa seg» verkeleg mot dei andre konkurrentane. Veteranane beit godt frå seg dei òg, mens for seniorane blei det eit heilt ok resultat, seier Evensen.

God debut frå Tiril

På sitt første Hordastevne stilte Tiril Korsvold Nagel i klasse rekrutt.

Ho fekk gode 19/6, og var berre få poeng fra å komme i sin første finale.

Åtte skyttarar fekk skyta finale og Korsvold Nagel vart nummer 9 på innleiande.

Ville ikkje gje seg - måtte ut i omskyting

I klasse eldre rekrutt var osingane med å prega lista fra topp: 

Maren Evensen klinte inn 30/27 og toppa dermed lista framfor Amalie Eide Aase (30/24) fra Hardanger. På plassen etter hamna Os Skyttarlag sin eigen Daniel Myklebust Fjellstad, som hadde 30/23 på innleiande.

Adelheid Røttingen Møller måtte sjå ein bom på liggande stripe, og havna i 29/11. Sofia Dale fekk 27/17 og Celine Daviknes Hårvik fekk 23/12.

I finalen skaut alle osingane 12 treff, men med litt for få innartreff, vart det ein fanagut som drog det heile i land.

Daniel Myklebust Fjellstad ville ikkje gje seg så lett, så han han måtte ut i omskyting med Lauritz i fra Stord. Der leverte Daniel på høgt nivå og tok ein flott andreplass totalt.

Maren Evensen kom på den «sure» fjerdeplassen og Adelheid Røttingen Møller skaut seg opp ein plass og havna på sjuande plass.

To gode juniorar i finale

I klassa junior hadde Os Skyttarlag med to skyttarar - Sofie Evensen gjorde nett som vetlasystera, og jobba inn gode 30/26. Med dette toppa ho lista når dagens innleiande var ferdig.

Gaute Eide Bergstø leverte godt og fekk 29/22, dette etter eit skot som seg ikkje ville setjast i skiva.

Begge skyttarane tok seg til finalen, og etter oppteljing i finalen hadde Gaute skåte 12/6 og vart nummer åtte. Sofie fekk 12/8 og fekk ein flott tredjeplass.

Litt tyngre for dei eldste

I V73-klassen var det rekordstor påmelding denne gongen. Heile 37 skyttarar gjennomførte, og resultata vart òg skyhøge.

Os Skyttarlag hadde med Reidar Dahle som leverte 30/22, og Odd Gorm-Hansen hadde 29/19.

Dahle fekk plass i finalen og med 9/8, vart det ein 13. plass.

Amalie Evensen var senioren som gjorde det best med 27/11, og ein fin 30. plass.

Geir-Wiggo Dale måtte sjå seg slått av ungjenta, og enda på 46. plass med 26/7.

Arvid Austefjord fekk 24/10.

Storeslem i lagskyting

Her vart ungdommane sett samen i to lag, kor den individuelle skytinga talde. Laga var satt saman av to eldre rekrutt-skyttarar og ein junior.

Her gjorde Os storeslem i ungdomsklassen med 90/76. På laget var Daniel Myklebust Fjellstad, Maren Evensen og Sofie Evensen.

Os vann med heile 3 treff og 14 innertreff framfor neste lag som var Stord med 87/60.

Os 2 kom på ein fin 5. plass med Sofia Dale, Celine Daviknes Hårvik og Gaute Eide Bergstø på laget.

Same plassering fekk òg Veteranlaget med Reidar Dale og Odd Gorm-Hansen.

Fleire saker