Næringsliv | 02. mars 2018

Ungdomsbedrift frå Os tippa i toppen

Russehuset UB blir tippa blant dei som kan hevda seg under fylkesmessa for ungdomsbedrifter.

Ungdomsbedrift frå Os tippa i toppen
Russehuset UB blir tippa å kunne hevda seg i konkurransa under fylkesmessa for ungdomsbedrifter neste veke (foto: Andris Hamre)
Andris Hamrefredag 02. mars 2018 08:19

Fylkesmessa for ungdomsbedrifter (UB) blir arrangert kvart år av Ungt Entreprenørskap. Onsdag 7. mars blir årets messe arrangert på Amalie Skram Vidaregåande skule i Bergen med heile ni ungdomsbedrifter frå Os tilstades.

– Frå Os vgs stiller Ung Aktivitet UB og Dangs Vårruller UB. Frå Os gymnas stiller Aktivietskveld UB, Tanquility UB, Os dekkskift UB, Enyv UB, Gutsji Sox UB, Russehuset UB og Owks Clothing UB, fortel Ingvild Goksøyr, studentpraktikant hos Ungt Entreprenørskap Hordaland.

Konkurrerer i 15 kategoriar

Fleire hundre elevar frå heile Hordaland blir samla under fylkesmessa. Gjennom eit skuleår har dei etablert og drive ein bedrift, laga forretningsplan, jobba med rekneskap, produktutvikling, produksjon, marknadsføring og sal av ei vare eller teneste.

Nær 80 UB skal konkurrere i 15 kategoriar, mellomanna beste forettningsplan, beste innovative produkt/teneste og årets beste ungdomsbedrift. Vinnarane skal representere Hordaland i NM i Oslo i april.

– Av dei som kjem frå Os vil eg særleg trekke fram Russehuset UB. Denne bedrifta leverer godt på dei fleste felt og eg har god tru på at dei kan hevde seg i konkurransa, seier Goksøyr.

Les óg:

Vil utfordra Russeservice
Ungdommeleg på julemesse

– Entreprenørskapskompetanse er så mykje meir enn det å starta bedrift. Gjennom dette arbeidet får elevane entreprenøriell kompetanse som kreativitet, gjennomføringsevne, sjølvtillit, samarbeidsevne og dei lærer å ta ansvar og løyse problem. Dette er kompetanse som trengs i framtidas arbeidsliv, seier administrerande direktør Grete Ingeborg Nykkelmo i Ungt Entreprenørskap Norge i ei pressemelding.

Lokalt næringsliv stiller opp

Som ein del av programmet har elevane sjølv skaffa mentorar frå lokalt arbeids- og næringsliv. I tillegg stiller 70 frivillige frå næringsliv, politikk og akademia opp som jury under fylkesmessa. For mange av elevane er dette eit høgdepunkt i skuleåret, der dei får moglegheiten til å visa fram arbeidet dei har lagt ned i bedriftene sine til lokalt næringsliv.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.