Unge atletar i kø for å kjøla seg ned

Bildeserie:

1 av 11

Måndag starta «Idrettsleker 2020», den første av tre idrettsdagar i regi av Os Turn friidrett.

– Deltakinga er god. Vi har rundt 40 ungar her, noko som er tilsvarande mengde som i fjor, seier Åge Gulbrandsøy.

Rekorden er rundt 70, og friidretsgruppa har ti instruktørar, ungdomar frå eigen stall, i sving med gruppeundervising i fleire friidrettsgreiner.

Årets idrettsleikar har vore veldig heldige med vêret - så heldige at vasspreiar måtte plasserast ut så ungane kunne kjøla seg ned mellom øktene.

Øving og leik

I førre veke var det «inkluderingsdagar», eit samarbeid mellom friidrett, handball og fotball. Desse tre dagane er det friidretten åleine som står for - og tilbodet gjeld for born frå 6 til 12 år, altså heile barneskulen.

– Det blir mykje leik, men vi vil òg ta deltakarane gjennom fleire øvingar, så dei får ein forsmak på friidrett.

– Vi øver på ulike løpedistansar, hekkeløp, hopp og kast. Vi venter med kulestøyt, men har ballar og rakettforma øvingsspyd å kasta med. Dei eldste får kanskje òg prøva spyd siste dagen.

Fleire av deltakarane er allereie medlem, andre er venar av utøvarar som no lurer på å byrja å trena fast.

– Tidlegare har vi hatt varme måltid og sushi på menyen. For å gjennomføra betre smittevern er det yoghurt, smothie og fruktbeger til deltakarane i pausen i år.

Sjå bildeserie under (synleg for pålogga abonnentar):