Unge talent på Oseana

Kvar sommar møtast dei fremste unge klassiske talenta til sommarskule på Halsnøy. Avslutningskonserten har dei flytta frå Greighallen til Oseana Kunst- og kultursenter.

- Vi sett stor pris på at dei vel å avslutte sommarskulen med konsert her hos oss, seier arrangementssjef Berit Steen.

Som alltid er det to orkester: eit symfoniorkester for dei eldste og eit strykeorkester for dei yngste. Hovudverket er César Franck sin symfoni nummer to. Symfoniorkesteret blir dirigert av Kjell Seim, medan ungdomsorkesteret dirigeres av Igor Rybak.

Sonoko solist

Under åpninga av Oseana for vel eit år sidan fekk fiolinvirtous Arve Tellefsen støtte av eit minst like stort talent i Sonoko Miriam Shimano Welde. Dei to har spelt fleire konsertar saman og vitja mellomanna Lysøen saman tidlegare i år.

- Det kanskje mange osingar ikkje veit er at dei møter Sokono kvar gong dei vitjar Oseana.

- Ho har nemleg stått modell for skulpturen av den fiolinspelande jenta som Arne Mæland har laga til foajeen vår, smiler Steen.

Bergenske Sonoko, som berre er 16 år, er ein av landets mest lovande unge fiolinistar, og har allereie ei imponerande merittliste å vise til.

Ho starta å spele fiolin som 5-åring, og har delteke og vunne prisar i konkurransar sidan ho var åtte år. Som tiåring vart ho teken opp i talentutviklingsprogrammet ved Barratt Due Musikkinstitutt, og har sidan 2007 vore elev ved Razumovsky-akademiet i London, der ho jamnleg reiser for å få undervisning.

Sokono Welde er solist med symfoniorkesteret under konserten som startar klokka 16 i Oseanasalen.

Invitasjon til dans

Om du ikkje har fått nok etter å ha høyrd dei unge talenta tidleg på ettermiddagen kan du få med deg fleire klassiska tonar når kammerScena opnar klokka 19.00.

- Der byr nemleg pianist Natalia Strelchenko opp til dans.

- Ho vil gje kronologiske smakebitar på konsertvalsen si utvikling, frå Weber via Chopin, Strauss og Grieg, fram til Ravels La Valse hundre år seinare, fortel Steen.