Utforkjøringer og kø
Bilar og bussar har trøbbel på Fanafjellet og på Byvegen.
Snø, sludd og nullføre har skapt vanskelege forhold i trafikken måndag morgon.
– Då vi kjørte opp Fanafjellet sto det ein jeep i fjellveggen på Nordviken-sida av fjellet. På bysida kjørte ein buss seg fast, og bak sto ein buss som ikkje kom seg forbi, fortel Baard Brattebø.
– Heldigvis var det lite trafikk på veg opp Fanafjellet, så vi kom oss fint forbi bussen og vidare til jobb.
Den andre vegen har det gått verre for mange. Det står, eller har stått, lastebilar bom fast på Valleheiane og på Kalandseid nær avkjørsel til Samdal.
– Eg har brukt to timar frå Os til tunnellane på Nesttun. Også her står trafikken meir eller mindre i ro, fortel ein annan Midtsiden-lesar.
I Rolvsvågen har det også vore utforkjøring med buss. Det var fire passasjerar i bilen, éin av dei blei lettare skadd etter å ha ramla på golvet i samanstøyten.