Lokal | 31. okt. 2017

Utnemnd til riddar

Hans Bjørn Bakketeig er utnemnd til riddar av første klasse av Den Kongelege Norske Fortenesteorden.

Optiker Hans Bjørn Bakketeig frå Os er utnemnd til Ridder av første klasse av Den Kongelege Norske Fortenesteorden (foto: Kjetil Vasby Bruarøy)
Andris Hamretirsdag 31. okt. 2017 10:34

Hans Majestet Kong Harald V har i dag utnemnd optiker Hans Bjørn Bakketeig til «Riddar av første klasse av Den Kongelege Norske Fortenesteorden» for hans arbeid for syneshemma i Moldova.

– Det er stor stas og ei stor ære å få utmerkinga. Eg hadde inga aning om at det var på gang. Då eg fekk vita det på fredag blei eg heilt satt ut, fortel Hans Bjørn på telefon frå Tanzania.

– Mange å dela med

Hans Bjørn er audmjuk over utnemninga.

– Det er ikkje berre eg som får den. Det er mange eg vil dela en med. Dei andre i Hjelp Moldova sjølvsagt, men ikkje minst familien min som har latt meg få helde på med dette i vel 20 år.

Den Kongelege Norske Fortenesteorden er ein orden som blei innstifta av Kong Olav V i 1985. Ordenen tildeles utvalde norske og utanlandske statsborgarar for særleg fortenestefullt virke for norske interesser.

I 2013 blei Gregory Smith tildelt den same æra for sitt arbeid gjennom CARF for gatebarna i São Paulo, Brasil.

Film og pengenød

I september kom filmen «Mirakelet i Moldova» som følgjer Hans Bjørn Bakketeig og hans arbeid for synshemma i Moldova. Filmen hadde premiere på BIFF og kjem på bygdekinoen i Oseana litt seinare i haust.

Samstundes blei det kjend at organisasjonen er i akutt pengemangel etter at Utenriksdepartementet har snørt igjen pengesekken, noko som gjer at Hans Bjørn og resten av organisasjonen risikerer å ikkje få fullført prosjektet med å få til ei optikerutdanning på universitetet i Chișinău.

Hjelp Moldova har berre støtte i eitt år til frå departementet, men treng støtte i tre år for å koma i mål.

Spennande? Vil du ha ukas høgdepunkt i innboksen?

Les meir om

Tilgang til alt innhald for berre 145 kr i månaden

Di støtte gir liv til lokalavisa vår. Vi set stor pris på om du hjelper oss å spreia nyheitene!

  • Tilgang til alt innhald
  • Under 37 kr/veka
  • Utan bindingstid
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.