Utset piggdekk-fristen

Dette kjem fram i ei pressemelding frå Statens vegvesen.

Bakgrunnen er koronapandemien.

- Vi oppfordrar likevel folk til skifta ut piggdekka så raskt som mogleg. Men vi ser òg mange praktiske utfordringar i desse koronatidene. Verkstadar og dekkhotell kan vera stengt eller har redusert kapasitet. I tillegg ønskjer vi ikkje å bidra til unødvendig reising, seier Ingrid Heggebø Lutnæs i Statens vegvesen.

Vegvesenet har vedteke å gje unntak fra dei ordinære piggdekk-fristane. No er fristen til å skifta ut piggdekka satt ut april måned - og gjeld likt for både Sør- og Nord-Noreg.

Opprinneleg skal piggdekka av innan første måndag etter 2. påskedag i Sør- og innan 1. mai i Nord-Noreg. Vegvesenet gav tilsvarande korona-utsetjing i fjor vår. Sverige har også innført ei slik utsetjing.

- Dette har likevel vore ei vanskeleg vurdering. Det er uheldig å ha køyretøy med piggdekk på vegen lenger enn naudsynt. Kombinasjonen av piggdekk, tørre vegar, varmt vêr og god kørefart gir mykje svevestøv. Vi ber om at dei som har moglegheit til å skifta så raskt som mogleg gjer det for å minska andre miljøulemper og ikkje venta så lenge som mogleg, sier Lutnæs.